Axmed Macalin Fiqi oo Shan Qodob ka Sheegay Muuqaal ay Al-Shabaab baahiyeen Maalmo ka hor kaas oo.

Waxaan daawaday video argagax & arxan-darro ay ka muuqato oo ay kooxda argagixisada Alshabaab ka soo duubtay dilal ay u geysanayso saraakiil ciidamada ah, ergooyinkii ka soo qeybqaatay doorashooyinka xildhibaanada sanadkii 2016-ka & qaar ka mid madaxda degmooyinka Muqdisho .

 

Marka laga soo tago ujeedka & fariinta video-gaas ay kooxda AS ka leedahay oo isugu jiri kara: xayaysiin, argagax gelin, muujinta awoodooda & in ay nidaamka dawladnimada dalka & ciddii la macaamishiba cadow u arkaan, waxaa uu video-gaas banaanka soo dhigay in amniga iyo ka ganacsiga amnigu ay sabab u noqonayso in dadku ay dhamaadaan, shabaabna ay dhoolatusyadooda iska sii wataan.

 

1. Haddii ciidamadii ay dadaalkoodii u danbeeyay bixinayaan, haddana mashruuca IGU SAWIR-ta Alshabaab uu sidaas dharaar cad u shaqaynayo, waxaa mudan in wax la iska weydiiyo halka wax ka qaldan yihiin & cidda mas’uuliyaddaas leh!

 

2. Dad qaar ayaa marka ay dhaliilayaan ciidamada AMISOM waxqabadkooda dhaha “ma rabaan in dalka Alshabaab laga dhammeeyo waayo shaqadooda ayaa dhamaanaysa markaas” haddaba, haddii amnigii dalku uu noqday mashruuc madaxda qaarkood u xilsaaran amniga ay qandaraasyadiisa qaateen, bishiina dhowr boqol oo kun oo doolar, ama mararka qaarkood malaayiin ay ka faa’idaan, laga soo bilaabo istaambada qoryaha lambarada ku qorta ee wasaaradda amniga taalla, raashinka iyo shidaalka ciidanka, illaa iyo booyadaha biyaha daadadku keeneen daabula, hoteelada & baabuurta marar qaar la kireeyo, marka wax ay dhacaan ay midabka tuutaha un soo bedelanayaan oo aan cidna wax laga weydiinayn, oo igu sawirta Alshabaab ay ka xoog badato tii kale, markaan waxaa waajib noqonaysa in isbedel degdeg ah la sameeyo, si umadda looga badbaadiyo bahalnimada kooxda aragagixisada.

 

3. Waxaa dhanka kale video-gaas uu kashifay tayada mas’uuliyiinta xilalka loogu dhiibo “ii raadiya qof aan waxba noo dhimayn (caana ma daadshe)” taasina ay keentay in dhibkii ay iska fogeeyeen madaxda dalku uu wax-ma-tirihii kala dul dhaco shacabkii iyo madaxda sumcadooda sida hadda video-gaas muujinayo.

 

4. In video-yada arxan-darrada ah ee noocaan ah ee argagixisadu xayaysiinta ku samaysanayso, marka ay soo baxaan la dalbado in youtube-ka laga saaro, sida ay dawladda Kenya horey u samaysay oo kale.

 

5. Ugu danbeyn, waxaa haboon in arrinta video-gaan aragagaxa leh, in si fiican loo dul istaago, waxna la iska weydiiyo, waayo haddii arrintani sii socoto waxey keenaysaa in la aamini waayo hadalka madaxdeenu ay ku celceliyaan ee amniga ku saabsan, waayo waxaa ku marqaati kici doona video-yada ay maalinta cad magaalada dhexdeeda isaga soo duubayaan Alshabaab ayagoo saraakiil iyo dad Soomaaliyeed si arxan darra u laynaya.

 

Waxaan xanuunka la qaybsanayaa eheladii dadka Soomaaliyeed ee kala duwan ee qaranka u shaqaynayey ee magacyadooda iyo sawiradooda lagu soo bandhigay video-gaas, Allaha u wada naxariista, adinkana sabir & iimaan

 

Fikradaha Akhristayaasha (0)




WARARKII MAANTA

Xidig iyo Cabdi cali raage oo shirqool ahmed madoobe ka wada nairobi si xidig loogu badalo
- Jan 30, 2019
Xidig iyo Cabdi cali raage oo shirqool ahmed madoobe ka wada nairobi si ...
Kooxdii Raaskambooni oo kala xarig furtay
- Jan 16, 2019
Waxaa magaalada kismaayo iyo guud ahaan gobolada jubooyinka aad loo hadal hayaa kulankii ergadii ...
Maxaa Ka JiraWararka Sheegaya in Madaxda Kenya ee yimid Muqdishu Ay dhexdhexaadinaya Ahmed Madoobe iyo Dowlada
- Jan 14, 2019
Warar aan heleyno ayaa sheegaya magaalada Muqdisho ay soo gaareen Xildhibaan Maxamed Yuusuf Xaaji ...
Ciidamada Dowladda iyo Kuwa AMISOM oo ka hadalay Hawlgalkii Jilib iyo deegaanada kale ee Jubbalabd.
- Jun 20, 2018
Magaalada Kismaayo waxaa maalintii labaad ka socda shir looga hadlayo amniga , kaasi oo ...
XOG CUSUB:Damac Axmed Madoobe ee Doorashada Jubbaland 2019 iyo Warbixin Xasaasi ah.
- Jun 17, 2018
Magaalada Kismaayo ee Xarunta Maamulka Jubbaland ayaa waxaa ka Socda hadal hayntii ugu badnayd ...