Ciidamada Israel oo duqeeyey Gaza

Milatariga Israel ayaa sheegay in diyaaradahooda dagaalka iyo kuwa qumaatiga u kaca ay duqeyn cusub xalay ku qaadeen bartilmaameedyo ay koxoda Xamas ku leedahay Marinka Gaza.

 

Ciidamada difaaca Israel ayaa sheegay in duqeymaha lala beegaday goobo lagu sameeyo rasaasta iyo gantaallada, iyo goobo milatari oo dagaalyahanada Xamas lagu tababaro.

 

“Kooxda argagixisada ee Xamas waxay mar kale dooratay inay qaaddo tallaabo aan ku jirin danta dadka degan Marinka Gaza” ayaa lagu yiri bayaan kasoo baxay ciidamada Israel.

 

Labada dhinac ayaa is-weydaarsaday hoobiyeyaal iyo duqeymo talaadadii, taasi oo ah iska horimaadkii ugu cuslaa ee labada dinac dhex mara tan iyo markii ay 50 maalmood dagaalamayeen, sanaddii 2014.

 

Xamas iyo kooxda Islamic Jihad ayaa soo saaray bayaan wada-jir ah oo ay ku sheegteen mas’uuliyadda waxa Israel ay ugu yeertay 70 gantaal iyo hoobiyeyaal looga soo tuuray Gaza, talaadadii.

 

Ciidamada Israel ayaa sheegay in saddex askari ay ku dhaawacmeen hoobiyeyaasha.

 

Fikradaha Akhristayaasha (0)




WARARKII MAANTA

Xidig iyo Cabdi cali raage oo shirqool ahmed madoobe ka wada nairobi si xidig loogu badalo
- Jan 30, 2019
Xidig iyo Cabdi cali raage oo shirqool ahmed madoobe ka wada nairobi si ...
Kooxdii Raaskambooni oo kala xarig furtay
- Jan 16, 2019
Waxaa magaalada kismaayo iyo guud ahaan gobolada jubooyinka aad loo hadal hayaa kulankii ergadii ...
Maxaa Ka JiraWararka Sheegaya in Madaxda Kenya ee yimid Muqdishu Ay dhexdhexaadinaya Ahmed Madoobe iyo Dowlada
- Jan 14, 2019
Warar aan heleyno ayaa sheegaya magaalada Muqdisho ay soo gaareen Xildhibaan Maxamed Yuusuf Xaaji ...
Ciidamada Dowladda iyo Kuwa AMISOM oo ka hadalay Hawlgalkii Jilib iyo deegaanada kale ee Jubbalabd.
- Jun 20, 2018
Magaalada Kismaayo waxaa maalintii labaad ka socda shir looga hadlayo amniga , kaasi oo ...
XOG CUSUB:Damac Axmed Madoobe ee Doorashada Jubbaland 2019 iyo Warbixin Xasaasi ah.
- Jun 17, 2018
Magaalada Kismaayo ee Xarunta Maamulka Jubbaland ayaa waxaa ka Socda hadal hayntii ugu badnayd ...