Ciidanka Ammaanka oo Muqdisho ku qabtay 2-nin oo ku hubeysnaa Bastoolado

Sida ay sheegayaan wararka inaga soo gaaraya degmada Waaberi ee gobolka Banaadir, Hay’adaha ammaanka ayaa galabta degmada Waaberi gaar ahaan halka loo yaqaano Ansalooti ku qabtay laba nin oo ku hubeysnaa Bastoolado.

 

Saraakiisha ammaanka ayaa inoo sheegay raggan in xogtooda horey loo hayay, ayna ku sugnaayeen guri ku yaalla degmada Waaberi, galabtana ciidamada ay ku baxeen.

 

Saraakiisha ayaa sidoo kale waxay inoo sheegeen inta uu hawlgalka socday in ciidamada ay dhaawaceen hal nin, halka mid kalena isaga oo badqaba gacanta lagu dhigay, kadib markii raggan ay isku dayeen in ay baxsadaan, rasaasna kala hortageen ciidanka.

 

Maamulka degmada Waaberi oo dhankooda aan la xiriirnay waxay inoo sheegeen in labada nin gacanta lagu dhigay hada ay ku socdaan baaris, ayna yihiin rag ka tirsan ururka Al-shabaab

 

“Waxaan adin xaqiijinayaa galabta in degmada Waaberi lagu qabtay laba nin oo hubeysan horey ayaa xogtooda loo hayay, ciidamada ayaa ku baxay guri ay joogeen, iska cabin ayay sameeyeen, waxaa ku geeryooday qof shacab ahaa inta uu hawlgalka socday, mid isaga oo dhaawacan ayaan qabanay, halka midka kalena uu badqabo, nimankan waxay ka tirsan yihiin kuwa cadowga ee Shabaab.” Ayuu yiri masuul ka tirsan maamulka degmada Waaberi.

 

Shalay gelinkii dambe ayay aheyd markii degmada Waaberi ay koox hubeysan ku weerartay gaari ay la socdeen ilaa afar qof, waxayna halkaasi ku dileen nin lagu magacaabi jiray Cumar Dalxa oo ka tirsanaa shaqaalaha Baarlamaanka, halka qof kale oo gaariga saarnaa ay dhaawaceen

Fikradaha Akhristayaasha (0)




WARARKII MAANTA

Xidig iyo Cabdi cali raage oo shirqool ahmed madoobe ka wada nairobi si xidig loogu badalo
- Jan 30, 2019
Xidig iyo Cabdi cali raage oo shirqool ahmed madoobe ka wada nairobi si ...
Kooxdii Raaskambooni oo kala xarig furtay
- Jan 16, 2019
Waxaa magaalada kismaayo iyo guud ahaan gobolada jubooyinka aad loo hadal hayaa kulankii ergadii ...
Maxaa Ka JiraWararka Sheegaya in Madaxda Kenya ee yimid Muqdishu Ay dhexdhexaadinaya Ahmed Madoobe iyo Dowlada
- Jan 14, 2019
Warar aan heleyno ayaa sheegaya magaalada Muqdisho ay soo gaareen Xildhibaan Maxamed Yuusuf Xaaji ...
Ciidamada Dowladda iyo Kuwa AMISOM oo ka hadalay Hawlgalkii Jilib iyo deegaanada kale ee Jubbalabd.
- Jun 20, 2018
Magaalada Kismaayo waxaa maalintii labaad ka socda shir looga hadlayo amniga , kaasi oo ...
XOG CUSUB:Damac Axmed Madoobe ee Doorashada Jubbaland 2019 iyo Warbixin Xasaasi ah.
- Jun 17, 2018
Magaalada Kismaayo ee Xarunta Maamulka Jubbaland ayaa waxaa ka Socda hadal hayntii ugu badnayd ...